Wani mutum ya cinna wa kansa wuta a wajen ofishin jakadancin Isra’ila na Amurka

Hukumomi a Amurka sun ce wani mutum ya banka wa kansa wuta a wajen ofishin jakadancin Isra’ila da ke birnin Washington.

An garzaya da mutumin wani asibiti da ke kusa bayan jami’an hukumar leƙen asirin Amurka sun kashe wutar da ke ci a jikinsa, a cewar wani saƙo da hukumar kashe gobara ta birnin ta wallafa a shafin intanet ranar Lahadi.

Kakakin rundunar ƴan sandan birnin ya ce mutumin yana cikin mawuyaci hali.

Ƴan sanda da jami’an hukumar leƙen asirin Amurka sun ce suna gudanar da bincike a kan lamarin.

Wasu kafafen watsa labaran ƙasar sun wallafa saƙonni a shafukan sada zumunta cewa mutumin ya gabatar da kansa a matsayin “jam’in rundunar Sojojin Sama ta Amurka” inda ya ƙara da cewa ba zai amince da kisan ƙare-dangin da Isra’ila take yi a Gaza ga. Ya riƙa ihu yana cewa “A daina kashe Falasɗinawa”.

Leave a Reply

Your email address will not be published. Required fields are marked *