Tinubu ya gayyaci ministan harkokin cikin gida, Olubunmi Tunji-Ojo 

Rahotanni sun bayyana cewa shugaba Bola Tinubu ya gayyaci ministan harkokin cikin gida, Olubunmi Tunji-Ojo zuwa fadar shugaban kasa a yammacin yau Talata.

Ana sa ran Tunji-Ojo zai gana da shugaban a ranar Talata da yamma a fadar shugaban kasa da ke Abuja, inji rahoton The Nation.

Hakan na zuwa ne biyo bayan alakarsa da zamba da ake zargin ministar harkokin jin kai da aka dakatar, Betta Edu.

An ruwaito cewa ma’aikatar da Edu ke jagoranta ta ba da kwangilar tuntuba ta Naira miliyan 438 don rajistar Social Rejista zuwa New New Planet Projects Ltd.

Tunji-Ojo kuma an danganta shi da kamfanin wanda dakatacciyar ministar ta baiwa kwangilar kamar yadda rahotanni suka tabbatar.

A halin da ake ciki kuma, Tinubu ya dakatar da Edu ne a ranar Litinin din da ta gabata saboda wasu makudan kudade da almubazzaranci da dukiyar al’umma

Leave a Reply

Your email address will not be published. Required fields are marked *