Jigawa ta ware Naira miliyan 50 don tallafa wa mata masu kananan sana’o’i

Gwamnatin Jigawa ta ware Naira miliyan 50 don tallafa wa mata 1,000 masu kananan sana’o’i, domin rage radadin cire tallafin man fetur a kasuwancinsu.

Kwamishinan Yada Labarai, Matasa, Wasanni da Al’adu na Jihar, Alhaji Sagir Musa ne ya bayyana hakan a wani taron manema labarai a karshen taron Majalisar Zartaswar Jihar, ranar Laraba a Dutse.

Ya ce, amincewar ta biyo bayan wata takardar bukata da kwamishiniyar harkokin mata, Hajiya Hadiza Abdulwahab ta gabatar wa majalisar.

A cewarsa, wannan yunkurin zai rage radadin cire tallafin man fetur a bangaren mata masu kananan sana’o’i.

Leave a Reply

Your email address will not be published. Required fields are marked *