Dukkan mutanen biyar din da ke cikin wani jirgin ruwan Titan na sinduki wanda ke nutsewa a karkashi ruwa an tabbatar da mutuwar su.
Jirgin ruwan na Titan ya yi batan dabo a tekun Atlantika kusa da tarkacen shakeken jirgin ruwan Titanic, a cewar Sub ma’aikacin kamfanin OceanGate.
Kamfanin ya tabbatar da hakan a wata sanarwa da ya fitar ranar Alhamis,wanda ya wallafa a shafin Tuwita.
“Yanzu mun yi imanin cewa shugabanmu Stockton Rush, Shahzada Dawood da dansa Suleman Dawood, Hamish Harding, da Paul-Henri Nargeolet sun mutu” in ji shi.
Ya kara da cewa “mutane sun kasance masu bincike na gaskiya wadanda suka yi tarayya da wani ruhin kasada, da kuma zurfin sha’awar bincike da kare tekunan duniya.”
OceanGate ya kuma aika da ta’aziyya ga “kowane memba na iyalansu a cikin wannan mummunan lokaci” yayin da yake kira da a ɓoye musu sirri.
Tabbatar da hakan ya zo ne sa’o’i bayan da wani mutum-mutumi na karkashin ruwa ya gano wani “filin tarkace” da ke bincike a kusa da tarkacen jirgin ruwan Titanic don bacewar jirgin ruwa.