An kama Tsohon Shugaban Kasar Amurka, Donald Trump kan zargin aikata laifuka.
An kama shi ne ranar Talata yayin da aka gurfanar da shi a gaban kotun hukunta manyan laifuka ta Manhattan.
Ana zargin tsohon shugaban ne da biyan wata mai fina-finan batsa, Stormy Daniels toshiyar baki don kada ta yi bayani game da alakar nema a tsakaninsu lokacin da yake takarar shugaban kasa a zaben 2016.
Shi ne tsohon shugaban Amurka na farko da aka taba kamawa a tarihin kasar.
To sai dai, a lokuta da dama Trump ya musanta zargin.
Sai dai Trump ya ce duk wadanan tuhume-tuhumen da ake masa ba komai ba ne face yi wa takararsa ta neman wa’adi na biyu zagon kasa.