Mutane biyar sun rasa ransu bayan da wani dan bindiga ya bude wuta rukunin gidaje da ke Toronto a Canada.

Ba tare da bata lokaci ba ‘yan sanda suka mayar da martani ga harbin wanda aka yi a unguwar Vaughan, da ke da nisan kilomita 20 daga arewacin Toronto, kuma a take aka harbe dan bindigar.

An kwashi wadanda suka ji rauni zuwa asibiti. Tuni aka fara gudanar da bincike a kan dalilin harin. Babban jami’in dan sanda a garin ya ce jami’ansu sun ga tashin hankali saboda yadda suka tsinci gawarwaki a cikin gidajen da ke unguwar.

An kwashe mutanen da ke zaune a rukunin gidajen, amma kuma an ce bayan bincike za a mayar da su gidajensu.

Ba kasafai ake samun harbe-harben bindiga a Canada ba, to amma a watannin baya bayan nan ana kara samun hare haren bindiga a kasar.

Leave a Reply

Your email address will not be published. Required fields are marked *