Jakadan Najeriya a Saudiyya, Yahaya Lawan, ya ce Najeriya na hada kai da kasar Saudiyya don yaki da safarar miyagun kwayoyi.
A wata hira da ya yi da Kamfanin Dillancin Labarai na Najeriya NAN a ranar Asabar, ya ce hukumomin tsaro na yaki da miyagun kwayoyi sun dukufa wajen duba fataucin miyagun kwayoyi a tsakanin kasashen biyu.
Lawal ya bayyana cewa, an gudanar da taron kwamitin hadin gwiwa kwanakin baya a Abuja, domin tattauna batun samar da yarjejeniyar fahimtar juna kan yaki da safarar miyagun kwayoyi.
“A watan Oktoba, an yi taron kwamitin hadin gwiwa a Abuja, kuma wani bangare na abin da aka tattauna shi ne batun MoU.
“Yarjejeniyar haɗin gwiwa tsakanin hukumomin tsaron mu musamman hukumomin fataucin miyagun ƙwayoyi tsakanin ƙasashenmu biyu”.
Yahaya Lawan.
“Samun fataucin miyagun kwayoyi matsala ce ta duniya, ba wai ta musamman ga ‘yan Najeriya ba ne, akwai ‘yan wasu kasashen da ke kokarin safarar miyagun kwayoyi zuwa cikin kasar Saudiyya.
A cewar Lawan, dokokin Saudi Arabiya sun tsara hukuncin kisa ga fataucin muggan kwayoyi, ya kara da cewa, “Yana da tsanani, kuma hukuncin kisa ne”.
Wakilin ya ce ofishin jakadancin Najeriya yana wayar da kan ‘yan Najeriya (tun daga lokacin da ake neman biza har zuwa lokacin da zasu shiga) dokokin masarautar Saudiyya kan safarar kwayoyi.
“An wayar da kan ‘yan Najeriya cewa duk wanda ya yi yunkurin yin hakan, hukuncin yana da tsanani.”
Yahaya Lawan.
Don haka Lawan ya shawarci maziyartan Najeriya da mazauna Masarautar da su mutunta dokokin Masarautar kuma su ci gaba da zama jakadu nagari a Najeriya a kasar da ta karbi bakuncin.(NAN).