An ruwaito cewa wannan lamarin ya faru ne a daren ranar Litinin.
Yayin da kawo yanzu ba a tantance sunayen wadanda aka kashe ba, an tabbatar da cewa daga cikin wadanda aka sace akwai Likita, ma’aikatan jinya da kuma marasa lafiya da ‘yan uwansu.
An tattaro cewa daga cikin ma’aikatan asibitin da aka sace akwai wanda aka fi sani da Dr. John, shugaban sashen nazarin jini, Usman Zabbo, da ma’aikacin dakin binciken lafiya, Awaisu Bida.
Haka kuma an sace matar shugaban ma’aikatan jinya da ‘ya’yansa mata, matar da diyar babban likitan harhada magunguna, da sauran ‘yan uwan majinyatan.
Harin dai an yi niyya ne domin ganin jami’an lafiya su yi jinyar wasu ‘yan bindiga da suka jikkata a daji.
Har yanzu ‘yan sanda ba su ce uffan ba, yayin da Jami’in hulda da jama’a na rundunar ‘yan sandan jihar Neja, DSP Wasiu Abiodun, ya yi alkawarin zai bayar da cikakken bayanin harin