Babban sufeton ‘yan sandan Najeriya, Usman Baba, ya bayar da umurnin a kara tsaurara tsaro a babban birnin tarayya Abuja saboda fargabar ‘yan ta’ada.
Mazauna birnin Abuja na cikin fargaba tun harin gidan yarin Kuje da kungiyar IS ta kai a yankin yammacin Afirka (ISWAP) a ranar 5 ga Yuli, 2022.
Fiye da fursunoni 800 da suka hada da daukacin wadanda ake zargi na Boko Haram ne suka tsere a lokacin da aka kai harin.
An samu bayanan sirri da dama da aka bankado kan shirin kai hari a babban birnin kasar.
Sai dai kuma harin kwanton bauna da sojojin da aka yi wa rundunar tsaron fadar shugaban kasa ya kara dagula al’amuran mazauna babban birnin tarayya Abuja.
An ruwaito yadda ‘yan ta’adda suka kashe wani kaftin da sojoji biyu a yankin Bwari da ke babban birnin tarayya Abuja a daren Lahadi.
Jami’an da suka mutu, wadanda aka kai wa harin ne bayan da suka kai ziyara makarantar koyon aikin lauya ta Najeriya da ke Bwari, biyo bayan kiran da mahukuntan makarantar suka yi musu.
An ce hukumar kula da makarantar ta sanar da cewa ‘yan ta’adda sun jefa wata wasika da ke nuna cewa za a kai hari.