Rundunar ’Yan Sandan Jihar Kano ta cafke wasu kasurguman barayi da suka sace wata mota kirar Toyota Hilux da wasu ababen hawa.

Rundunar ’Yan Sandan Jihar Kano ta cafke wasu kasurguman barayi da suka sace wata mota kirar Toyota Hilux da wasu ababen hawa.


Wanda ake zargin ya fito daga Karamar Hukumar Zariya ta Jihar Kaduna, kuma tawagar Puff Adder ta rundunar ’yan sandan karkashin jagorancin SP Rabi’u Ahmed, ne suka cafke a kan titin Jami’ar BUK a Kano.


Kakakin ’yan sandan, SP Abdullahi Haruna Kiyawa, ya ce ana gudanar da bincike kan wanda ake zargin, kuma an kama wanda ke taimaka masa, wanda ya kware wajen kera manyan makullai da kuma sayar da su ga barayi, kuma an kwato makullai 29 a hannunsa.


Ya ce rundunar ta yi nasarar kama wasu barayin ababen hawa, da lambobin ababen hawan mutane a wajensu.
A cewar Kiyawa, Kwamishinan ’Yan Sandan Jihar Kano, Sama’ila Shu’aibu Dikko, ya bayar da umarnin gudanar da bincike na tsanaki sannan a gurfanar da wadanda ake zargin gaban kotu.

Leave a Reply

Your email address will not be published.