Tsohon Shugaban Jam’iyyar APC, Adams Oshiomhole, ya shiga jerin masu neman kujerar shugaban kasa a zaben 2023.

Oshiomhole, wanda tsohon Gwamnan Jihar Edo ne ya sanar da fitowarsa takarar shugaban kasa ne a lokacin da yake jawabi ga magoya bayansa a Abuja ranar Laraba.

Ya yi alkawarin idan ya zama shugaban kasa zai yi duk mai yiwuwa don kawo karshen yajin aikin malaman jami’a da kuma yi wa Najeriya gyara ta samu cigaba mai dorewa.
Ya kara da cewa idan ya zama shugaban kasa, zai mayar da hankali wajen farfado da tattalin arziki da burin mutanen Najeriya, da kuma tsarin da za a yi wa masu kudi karin haraji.

Da yake jawabi a Cibiyar Rayar Adabi da Al’adu ta Cyprian Ekwensi da ke Abuja, tsohon shugaban APC na kasar ya ce yawan yajin aikin malaman jami’a babban abin damuwa ne ga dalibai da iyayensu.

Leave a Reply

Your email address will not be published.