Gwamnan Jihar Kano Dr. Abdullahi Umar Ganduje zai maye gurbin motar Katsina United da magoya bayan Pillars suka lalata

Gwamnan jihar Kano, Abdullahi Ganduje, ya yi Allah-wadai da matakin da wasu masoya kwallon kafa, wadanda ake zargin magoya bayan kungiyar kwallon kafa ta Kano Pillars ne.

A wata sanarwa da babban sakataren yada labaran gwamnan, Abba Anwar, ya fitar a ranar Laraba a Kano, gwamnan ya caccaki magoya bayan da suka yi rashin da’a saboda lalata wata motar bas ta kungiyar kwallon kafa ta Katsina United da ta kai ziyara.

Kamfanin Dillancin Labaran Najeriya ya ruwaito cewa gwamnan ya yi alkawarin maye gurbin motar bas da ta lalace a lokacin da kungiyoyin biyu suka hadu a ranar Asabar da ta gabata a filin wasa na Sani Abacha da ke Kano, a wasan NPFL.

“Wannan matakin ba, ko ta yaya, ba zai cutar da kyakkyawar alakar da ke tsakanin jihohin Kano da Katsina ba, mutanen Kano da Katsina daya ne kuma za su kasance tare har abada,” in ji gwamnan.

NAN ta ruwaito cewa magoya bayanta sun mamaye filin wasan ne a cikin mintuna na 79 na wasan, inda suka lalata bas din tawagar da suka ziyarta da kuma wasu sassan motar bas na Pillars.

NAN ta ruwaito cewa wasan shi ne na farko a filin wasan cikin sama da shekaru biyu kuma ’yan kallo, musamman magoya bayan Pillars, sun yi dafifi a wajen domin kallon wasan da masoyan su ke yi.

Ganin cewa wasan wanda har yanzu babu ci a minti na 79 zai kare nan ba da dadewa ba, sai magoya bayan da ba su da ka’ida suka mamaye filin wasan domin tayar da kayar baya.

Leave a Reply

Your email address will not be published.