Hukumar kwallon kafar Najeriya ta kori kocin Super Eagles

Hukumar kula da kwallon kafa ta Najeriya NFF ta kori kocin Najeriya Gernot Rohr daga mukaminsa.

Hukumar ta NFF ta sanar da daukar matakin ne a cikin wata sanarwa da ta wallafa a shafinta na yanar gizo ranar Lahadi, inda ta tabbatar da nadin Augustine Eguavoen a matsayin kocin rikon kwaryar tawagar kwallon kafar Najeriya ta Super Eagles.

Eguavoen ya kasance mai horas da tawagar Super Eagles da ta kare kan matsayi na uku a gasar cin kofin Afrika da aka yi a kasar Masar cikin shekara ta 2006.

A halin yanzu Eguavoen zai jagoranci tawagar kwallon Najeriya har zuwa lokacin da za a nada mai horaswa na dindindin.

Leave a Reply

Your email address will not be published.