Ronaldo ya yi abin da babu wanda ya yi a duniya

Cristiano Ronaldo ya zama dan wasa na farko a tarihi da ya zura kwallaye 800 a matakin manyan wasanni bayan da ya jefa kwallaye biyu a wasan da Manchester United ta doke Arsenal da ci 3-2 a gasar firimiyar Ingila a jiya Alhamis, tarihin da babu wanda ya kafa gabanin shi.

Ronaldo mai shekaru 36, ya zarta kowanne dan wasa wajen yawan kwallaye a wasannin kasa da kasa da kuma gasar cin kofin zakarun Turai.

Kazalika har yanzu babu wani dan wasa da ya ci wa Real Madrid kwallaye masu yawa kamar Ronaldo, inda ya jefa mata kwallaye 450.

A jumulce, dan wasan ya ci wa Manchester United kwallaye 130, idan aka hada da zamansa na farko a kungiyar, sannan ya ci wa Juventus kwallaye 101, ya kuma zura biyar a Sporting Lisbon, baya ga kwallaye 115 da ya ci wa kasarsa ta Portugal.

Dan wasan dai ya cire wa Manchester United kitse a wuta a wasanta na jiya da Arsenal, yayin da ake ganin rawar da ya taka tamkar aike sako ne ga sabon kocin kungiyar Ralf Rangnick wanda ake ganin ba lallai ba ne ya samu jituwa da Ronaldo.

One Reply to “Ronaldo ya yi abin da babu wanda ya yi a duniya”

Leave a Reply

Your email address will not be published. Required fields are marked *