Vardy ya kafa tarihi a gasar Firimiya

Dan wasan gaba na Leicester City, Jamie Vardy, ya kafa tarihin zama kafada kafada da tsohon dan wasan Arsenal Ian Wright, wanda ya fi yawan zura kwallaye a tsakanin ‘yan wasan da suka haura shekaru 30 a gasar Premier.

Dan wasan na Ingila ya samu nasarar ce bayan ci wa Leicester City kwallaye biyu a ranar Lahadi a wasan da suka doke Watford da kwallaye 4-2.

Dan wasan mai shekaru 34 a yanzu yana da kwallaye bakwai a gasar Frimiyar bana, yayin da kuma a dunkule ya zura kwallaye 127 a gasar Premier, kuma 93 daga ciki ya zura su ne bayan cika shekaru 30 da haihuwa.

Zalika Jumillar kwallayen 127 da Vardy ya ci a Firimiyar ya sanya shi zama na 14 wajen yawan kwallayen aa tarihin Firimiyar, inda yayi kunnen doki da Jimmy Floyd Hasselbaink, ya kuma sha gaban Robbie Keane da Nicolas Anelka.

Leave a Reply

Your email address will not be published.