Neymar ya sake jin rauni a idon sawunsa

Nishadin fafata wasan gasar Ligue 1 a ranar Lahadi tsakanin PSG da Saint-Etienne ya karewa Neymar cikin bazata, bayan da ya ji rauni a idon sawunsa lokacin da ya yi taho mu gama da daya daga cikin abokan karawarsa.

Raunin dai sai da ya tilasta jami’an lafiya taimakawa Neymar wajen fiye daga cikin fili yana kuka.

Koda yake har yanzu ba a tabbatar da munin raunin ba, bayanan farko da aka tantance ya haifar da fargabar mai yiwuwa Neymar ya fama inda ya saba jin rauni ne a idon sawunsa, abinda ya sanya a shekarun baya ya taba share fiye da watanni 4 yana jinya.

Tun zuwansa PSG dai kaso mafi yawa na raunin da Neymar ke samu a idon sawunsa ne, zalika a kafa guda.

Leave a Reply

Your email address will not be published.